தெலுங்கானா மற்றும் புதுவை மாநில ,கவர்னர் பொறுப்பில் இருந்து விலகுவதாக தமிழிசை சவுந்தரராஜன் ஜனாதிபதிக்கு கடிதம்,கவர்னர் பதவியை ராஜினாமா செய்து,தேர்தலில் போட்டியிட திட்டம்

புதுச்சேரி:தெலுங்கானா ஆளுநரும் மற்றும் புதுச்சேரி துணைநிலை ஆளுநருமான தமிழிசை சௌந்தரராஜன் தனது பதவியை ராஜினாமா செய்துள்ளார். ஜனாதிபதி திரவுபதி முர்முவுக்கு ராஜினாமா கடிதத்தை அனுப்பி வைத்தார்.பாராளுமன்ற தேர்தலில் தமிழிசை சவுந்தரராஜன் போட்டியிட வாய்ப்பு உள்ளதாக தகவல் வெளியாகி உள்ளது.* தமிழக பாஜக தலைவராக 2014 முதல் 2019ம் ஆண்டு வரை தமிழிசை பதவி வகித்தார்.* 2009 பாராளுமன்ற தேர்தலில் வடசென்னை தொகுதியில் பாஜக சார்பில் தமிழிசை போட்டியிட்டார்.* 2006, 2011, 2016 தமிழக சட்டசபை தேர்தல்களிலும் தமிழிசை போட்டியிட்டுள்ளார்.* 2006 தமிழக சட்டசபை தேர்தலில் ராதாபுரம் தொகுதியில் தற்போதைய சபாநாயர் அப்பாவுக்கு எதிராக தமிழிசை போட்டியிட்டார்.* 2019 பாராளுமன்ற தேர்தலில் தூத்துக்குடி தொகுதியில் கனிமொழியை எதிர்த்து தமிழிசை போட்டியிட்டார்.* 2019ம் ஆண்டு செப்டம்பர் 8-ந்தேதி தெலுங்கானா கவர்னராக தமிழிசை பொறுப்பேற்றார்.* 2021-ம் ஆண்டு பிப்ரவரி 18-ந்தேதி முதல் புதுச்சேரி துணைநிலை ஆளுநர் பொறுப்பையும் தமிழிசை கூடுதலாக கவனித்து வருகிறார்.* பாராளுமன்ற தேர்தலில் புதுச்சேரி, விருதுநகர், கன்னியாகுமரி, தென்சென்னை தொகுதிகளில் ஏதேனும் ஒன்றில் தமிழிசை களமிறங்க வாய்ப்புள்ளதாக தகவல் வெளியாகி உள்ளது.