ராமநாதபுரம் அருகே சூரன்கோட்டையைச் சேர்ந்த பாலசுப்பிரமணியன் ராணுவ வீரர் விபத்தில் பலி

ராமநாதபுரம்: ராமநாதபுரம் அருகே சூரன்கோட்டையைச் சேர்ந்தவர் பாலசுப்பிரமணியன், 26. இவர், குஜராத் மாநிலம், ஆமதாபாத் ராணுவ முகாமில் ராணுவ வீரராக பணிபுரிந்தார்.

விடுப்பில் வந்த இவருக்கு ஆக., 21ல் ராமநாதபுரத்தில் திருமணம் நடந்தது. செப்., 22ல் ராமநாதபுரத்தில் இருந்து தேவிப்பட்டினம் ரோட்டில், டூ – வீலரில் பாலசுப்பிரமணியன் சென்றார். பேராவூர் ரைஸ்மில் அருகே எதிரில் பொட்டகவயலைச் சேர்ந்த பாபு, 30, என்பவர் வந்த டூ – வீலருடன் நேருக்கு நேர் மோதியதில், பாலசுப்பிரமணியன் தலையில் பலத்த காயமடைந்தார்.

அக்கம்பக்கத்தினர் அவரை மீட்டு, மருத்துவமனையில் சிகிச்சைக்கு சேர்த்தனர். தீவிர சிகிச்சை பலனின்றி இறந்தார். இன்று ராணுவ மரியாதையுடன் அவரது உடல் அடக்கம் செய்யப்பட உள்ளது. கேணிக்கரை போலீசார் விசாரிக்கின்றனர்.