பூண்டை இப்படி சுட்டு சாப்பிடுவதால் என்னென்ன நன்மைகள் உண்டாகும்?முழுவிவரம் – விண்மீன்நியூஸ்

? பூண்டை இப்படி சுட்டு சாப்பிடுவதால் என்னென்ன நன்மைகள் உண்டாகும்?.

பூண்டைப் பாதுகாப்பதற்கான சிறந்த வழிகளில், அதனை வறுத்தெடுப்பதும் ஒன்றாகும். இந்த வறுத்து எடுத்த பூண்டை நீங்கள் ஜிப்-லாக் பையில் போட்டு வைத்தால், மூன்றில் இருந்து நான்கு நாட்களுக்கு பூண்டு நன்றாக கெட்டுப் போகாமல் இருக்கும். அது மட்டுமின்றி பச்சை பூண்டினுடைய ஊட்டச்சத்தை விட வறுத்ததில் நிறைய நன்மைகளும் ஊட்டச்சத்துக்களும் அதிகம். அதை எப்படி செய்து எப்படி பாதுகாப்பது என்பது பற்றி இந்த தொகுதியில் பார்க்கலாம்.
​பூண்டின் ஓர் சில சிறப்பு அம்சங்கள்

• பூண்டு பாரம்பரிய மருத்துவத்தில் பல ஆண்டுகளாக பயன்படுத்தப்படுகிறது
• வறுத்த பூண்டு நோய் எதிர்ப்பு சக்தியை மேம்படுத்தவும், ஜலதோஷத்தில் இருந்து நம்மை காப்பாற்றவும் உதவுகிறது.
• ஜிப்-லாக் பை பயன்படுத்தினால் மூன்றில் இருந்து நான்கு நாட்களுக்கு பூண்டு நன்றாக இருக்கும்.

எந்த விதமான உணவில் இதை சேர்த்தாலும் அந்த உணவு ஓர் தனி சுவையுடன் இருக்கும். பூண்டு நம் அனைவரின் சமையல் அறையிலும் கண்டிப்பாக இருக்க வேண்டிய உண்வு பொருட்களில் ஒன்றாகும். பூண்டு ஒரு உணவின் சுவையை மேம்படுத்துவதோடு, அதிலுள்ள ஆரோக்கியமான ஊட்டச்சத்துக்களையும் நமக்கு வழங்குகிறது. இது பல ஆண்டுகளாக பாரம்பரிய மருத்துவத்தில் பயன்படுத்தப்படுகிறது. நீங்கள் இதை அப்படியே சாப்பிடலாம் அல்லது உங்கள் சமையலில் பூண்டு விழுதை சேர்த்து சாப்பிடலாம். இல்லையென்றால் நீங்கள் பூண்டை வறுத்து கூட சாப்பிடலாம். வறுத்த பூண்டு மிகவும் சுவையாகவும் இருக்கும்.

நீங்கள் ஒரு பூண்டு பிரியராக இருந்தால், நீங்கள் வறுத்த பூண்டு பற்றி கண்டிப்பாக கேள்விப்பட்டு இருப்பீர்கள். வறுத்தெடுப்பது இந்த மூலப்பொருளின் சுவையை மேம்படுத்துகிறது. மேலும் இது மிகவும் சுவையாக இருக்கும். அதனுடன், இது ஆரோக்கியமான சேர்மங்களைத் தூண்டும் என்று நம்பப்படுகிறது.

​வறுத்த பூண்டின் நன்மைகள்:

• பூண்டை வறுத்தெடுப்பது ஆரோக்கியமான குடலை ஒழுங்குபடுத்துவதன் மூலம் செரிமானத்தை எளிமை ஆக்குகிறது.
• இது நோய் எதிர்ப்பு சக்தியை மேம்படுத்துவதற்கு உதவுகிறது. மேலும் பொதுவான சளி, இருமல் மற்றும் காய்ச்சல் போன்றவற்றில் இருந்து நம்மை பாதுகாக்கவும் உதவுகிறது.
• இதில் ஆன்டி ஆக்சிடன்ட்ஸ் நிறைந்துள்ளது. மேலும் பூண்டு நச்சுகளை வெளியேற்றுவதற்கு பயன்படுகிறது. இதன் மூலம் பூண்டு இரத்தத்தை சுத்திகரிக்க உதவுகிறது.

அந்தரங்க வாழ்க்கையை இனிமையாக்கும். பாலியல் ஆர்வத்தை அதிகரிக்கும். பாலியல் ஹார்மோன்களை தூண்டும் ஆற்றல் இந்த பூண்டுக்கு உண்டு.

​ஓவென் அடுப்பில் பூண்டை எப்படி வறுத்து எடுப்பது?

தேவையான பொருட்கள்:

ஒரு முழு பூண்டு
ஆலிவ் எண்ணெய்
இந்துப்பு அல்லது பிங்க் சால்ட்

செய்முறை:

படி 1: பூண்டு தலையின் வெளிப்புற தோலை மட்டும் உரித்து எடுத்து கொள்ளுங்கள். அதன் கிராம்புகளை (பூண்டு பற்கள்) அப்படியே விட்டு விடுங்கள். பூண்டின் மேல் நுனியை நறுக்கி விடுங்கள்.

படி 2: பின்பு பூண்டை ஒரு பேக்கிங் தட்டில் அல்லது வாணலியில் எடுத்துக் கொள்ளுங்கள். அதில் தாராளமாக எண்ணெய் சேர்க்கவும்; பிறகு அதன் மேல் உங்கள் தேவைக்கு ஏற்றார் போல் சிறிது உப்பை தூவவும்.

படி 3: இதை ஒரு ஃபாயில் பேப்பர் கொண்டு மூடி, 45 நிமிடங்களுக்கு ஓவென் இல் வறுக்கவும். ஓவென் ஐ முன்கூட்டியே சூடாக்க வேண்டும் என்பதை நினைவில் கொள்ளுங்கள்.

​எப்படி வறுத்து எடுப்பது?

தேவையான பொருட்கள்:

ஒரு முழு பூண்டு
கடுகு எண்ணெய்
இந்துப்பு அல்லது பிங்க் சால்ட்
செய்முறை:

படி 1: பூண்டு தலையின் வெளிப்புற தோலை மட்டும் உரித்து எடுத்து கொள்ளுங்கள். பின்பு அதன் பூண்டு பற்களை தனித் தனியாக பிரித்து எடுத்துக் கொள்ளுங்கள்.

படி 2: ஒரு பாத்திரத்தில் சிறிது கடுகு எண்ணெயை எடுத்துக் கொள்ளுங்கள்.

படி 3: எண்ணெயை சிறிது சூடாக்கி அதில் பூண்டு பற்களை சேர்க்கவும்.

படி 4: பிறகு அதன் மேல் உங்கள் தேவைக்கு ஏற்றார் போல் சிறிது உப்பை தூவி, அது பொன்னிறமாகும் வரை நன்றாக வறுத்து எடுக்கவும்.

வறுத்த பூண்டை சேமிப்பது எப்படி?

பூண்டைப் பாதுகாப்பதற்கான ஓர் சில சிறந்த வழிகளில் அதனை வறுத்து எடுப்பதும் ஒன்றாகும். பூண்டை ஜிப்-லாக் பையில் போட்டு வைத்தால், மூன்றில் இருந்து நான்கு நாட்களுக்கு கூட அது நன்றாக இருக்கும். இல்லையெனில், நீங்கள் பூண்டை ஒரு ஜாடியில் போட்டு அதில் சிறிது எண்ணெய் ஊற்றி, குளிர்சாதன பெட்டியில் வைத்து கொள்ளலாம். இந்த செயல்முறை ஒரு வாரத்திற்கும் மேலாக வறுத்த பூண்டை சேமிக்க உதவும்.

​உணவில் வறுத்த பூண்டு பயன்படுத்துவது எப்படி

• இந்த வறுத்து எடுத்த பூண்டை ஏதேனும் டிப்ஸ் அல்லது ஹம்மஸ் உடன் சேர்த்து சாப்பிடலாம். இவ்வாறு சாப்பிடும் பொழுது இதன் சுவை மிகவும் நன்றாக இருக்கும்.
• கூடுதல் வெர்ஜின் ஆலிவ் எண்ணெயில் அதை உட்செலுத்துவது, உங்கள் சாலட்களுக்கு பூண்டு எண்ணெயைப் பெற உதவுகிறது.
• வறுத்த பூண்டில் இருந்து ஒரு பேஸ்டை உருவாக்கி அதை வெண்ணெய் உடன் சேர்க்கவும். பின்பு இதை உங்களின் பூண்டு ரொட்டியின் (கார்லிக் பிரட்) மேல் பரவலாக தடவி சாப்பிடலாம்.
• வறுத்த பூண்டை சூப் முதல் கோழிக்கறி வரை பல வகையான சமையல் குறிப்புகளுக்கு ஒரு அழகுபடுத்தும் பொருளாக பயன்படுத்தப்படலாம்.

இன்னும் எதற்காக காத்திருக்கிறீர்கள்? இப்பொழுதே சிறிது பூண்டை எடுத்து வறுத்து வைத்துக் கொள்ளுங்கள். நீங்கள் சமையல் செய்யும் பொது அதனை பயன்படுத்தி, உங்கள் உணவை ஆரோக்கியமாகவும் சுவையாகவும் மாற்றுங்கள்