உங்க விரல்ல எப்பவுமே தோல் உறிஞ்சிக்கிட்டே இருக்கா, இந்த வீட்டு வைத்தியம் செய்யுங்க, சரியாகும்✍️முழுவிவரம் -விண்மீன்நியூஸ்

உங்க விரல்ல எப்பவுமே தோல் உறிஞ்சிக்கிட்டே இருக்கா, இந்த வீட்டு வைத்தியம் செய்யுங்க, சரியாகும்!*

உங்கள் விரல் நுனியில் தோல் உரிவது என்பது வெளிப்படையான பிரச்சனையே. சிலருக்கு அதிக நேரம் தண்ணீரில் கைவைத்தாலே தோல் உரிதல் உண்டாகும். கை கழுவினால், கைகளை சுத்தம் செய்தால், காலையில் தூங்கி எழுந்ததும் பார்த்தால் கை விரல்களில் தோல் உரிதல் உண்டாகும்.

கை விரல்களில் தோல் உரிவதால் விரல்கள் உள்ளங்கைகள் மென்மை குறைகிறது. இதனால் கடினமான விரல்களை பெறுவீர்கள். அடிக்கடி தோல் உரிதலை சந்திப்பவர்கள் என்ன செய்யலாம் என்பதை இங்கு பார்க்கலாம்.

கற்றாழை பயன்படுத்துங்கள்

விரல் நுனியில் தோல் உரிவது எரிச்சலை உண்டாக்கும். எரிச்சலோடு தோல் உரிதல் இருந்தால் கற்றாழை ஜெல்லை பயன்படுத்துவது நல்ல தீர்வாக இருக்கும்.

நீரிழிவு நோயாளிகளுக்கு ஏற்ற மூலிகைகள்! ஆரோக்கியமாக கட்டுக்குள் வைக்கும்!

கற்றாழை மடல்களை எடுத்து உள்ளிருக்கும் ஜெல் போன்ற பகுதிகளை எடுத்து பாதிக்கப்பட்ட விரல்களில் இரண்டு முறையாவது தடவி அது காயும் வரை வைத்திருந்தால் தோல் உரிதல் சரியாகும்.

​தேங்காயெண்ணெய் பயன்படுத்துங்கள்

மாய்சுரைசர்கள், க்ரீம் வகைகள் இல்லாத நேரத்தில் சரும பிரச்சனைகளுக்கு தேங்காயெண்ணெய் சிறந்த தீர்வாக இருந்தது. இது அனைத்து வகையான சரும பிரச்சனைகளையும் தீர்க்கும் எண்ணெயாக உள்ளது. வறண்ட சருமம், கறைபடிந்த சருமம், பருக்கள் போன்றவற்றுக்கு சிறந்த தீர்வாக இருக்கும். தேங்காயெண்ணெய் ஒட்டும் தன்மை கொண்டுள்ளதால் அது பெரும்பாலும் பயன்படுத்தப்படுவதில்லை.

இது தோல் உரிதலில் இருந்து மீட்டு தோலை நன்றாக வைத்திருக்க உதவும். தேங்காயெண்ணெய் பயன்படுத்திய பிறகு கையுறைகளை அணியுங்கள். நாள் ஒன்றுக்கு இரண்டு முறை இதை செய்து வந்தால் போதுமானது. பாதாம் எண்ணெய் அல்லது ஆலிவ் எண்ணெயும் பயன்படுத்தலாம்.

​தேன் பயன்படுத்துங்கள்

தேன் சருமத்துக்கு சிறந்த மாய்சுரைசர். ஒட்டும் தன்மை கொண்ட இனிமையான பொருள். தேன் தோல் உரிந்த சருமத்தில் பாதிக்கப்பட்ட இடங்களில் தடவி பயன்படுத்தினால் போதும். பிறகு அரை மணீ நேரம் கழித்து அதை விட்டு பிறகு கைகளை வெதுவெதுப்பான நீரில் சில நிமிடங்கள் வைத்து விட்டு கழுவி எடுங்கள். இதை தினசரி செய்து வந்தால் விரல்களில் தோல் உரிதல் குணமாகும்.

​பெட்ரோலியம் ஜெல்லி

உலர்ந்த மெல்லிய அல்லது தோல் உரிதல் சருமத்துக்கு உதவக்கூடிய எண்ணெய்க்கு பிறகு பெட்ரோலியம் ஜெல்லி சிறந்த தீர்வாக இருக்கும். இதுவும் ஒட்டும் தன்மை கொண்டது.

அந்த உணர்திறன் நிறைந்த தோல் உரியும் விரல்கள் இயல்பு நிலைக்கு திரும்புவதற்கு ஆழமான ஈரப்பதம் தேவைப்படுகிறது. இரவில் இதை பயன்படுத்துவதன் மூலம் தோல் உரிதல் குணமாகி விரல்கள் மென்மையாகும்.

​வைட்டமின் ஈ

வைட்டமின் ஈ மாத்திரைகள் வறண்ட சருமத்துக்கு சிறந்த தீர்வாக இருக்கும். எண்ணெய் வறண்ட சருமத்துக்கு வைட்டமின் ஈ போன்று விரல்களில் தோல் உரிதலுக்கும் வைட்டமின் ஈ உதவக்கூடும். எல்லா விரல்களிலும் இதை பயன்படுத்த விரும்பினால் மாத்திரைகள் எண்ணிக்கை அதிகமாக இருக்கும்.

தோல் உரிதல் இருக்கும் போது வைட்டமின் ஈ எண்ணெயை பயன்படுத்துங்கள். இது விரல் நுனிகளில் தோல் உரிதலை கட்டுப்படுத்தும்.

​பால் உடன் ஓட்ஸ்

பாலில் ஓட்ஸ் பொடியை கலந்து பேஸ்ட் பதத்துக்கு குழைத்து விரல் நுனிகளில் தடவி விடவும். பால் சருமத்தை ஈரப்பதமாக்குகிறது. ஓட்ஸ் சருமத்தில் எரிச்சலை குணப்படுத்தி பளபளப்பாக வைக்க செய்கிறது. தினமும் இரண்டு முறை இதை செய்து வந்தால் போதுமானது. விரல்களில் தோல் உரிதலை சரி செய்யகூடும்.

​கையுறைகள் அணிந்து கொள்ளுங்கள்

மேற்கண்ட பராமரிப்புகளை காட்டிலும் இது முக்கியமானது. விரல்களில் தோல் உரிதல், அந்த இடங்களில் கொப்புளங்கள், ஆழமாக விரிசல் ஏற்பட்ட இடங்கள் என வித்தியாசமாக இருந்தால் நீங்கள் தவிர்க்காமல் மருத்துவரை அணுகுவது நல்லது.

நோய் தீர்க்கும் பாட்டி கால கஞ்சி வகைகள்! தயாரிப்பும் பயன்களும், எல்லோருக்கும் பலனளிக்கும்!

அதே நேரம் விரல்களில் தோல் உரிதல் என்பது அன்றாட பணிகளின் போது பயன்படுத்தகூடிய இராசயனம் காரணமாக இருக்கலாம். கடுமையான இரசாயனங்கள் கைகளை சேதப்படுத்தும். அதனால் விரல்களை மூடும் வகையில் கையுறைகள் அணிவதை வழக்கமாக்கி கொள்ளுங்கள். குறைந்தது இரவு வேளைகளில் மட்டும்.