ஆள்நடமாட்டம் இல்லா ஏரியாவில்,ஓடும் ஆம்புலன்சில் இளம்பெண் கூட்டு பலாத்காரம்..✍️! வயிற்று பசியால் ஏமார்ந்த அப்பாவி பெண்✍️முழுவிவரம் -விண்மீன்நியூஸ்

ஓடும் ஆம்புலன்சில் இளம்பெண் கூட்டு பலாத்காரம்..! வயிற்று பசியால் ஏமார்ந்த அப்பாவி பெண்*

ராஜஸ்தான் மாநிலம் ஜெய்பூரில் 22 வயதான பெண் தனது கணவருடன் பிளாட்பாரத்தில் வசித்தபடி காய்கறி விற்பனை செய்து வருகிறார். கொரோனா ஊரடங்கு நடவடிக்கைகள் காரணமாக இவர்கள் வியாபாரம் கடுமையாக பாதிக்கப்பட்டுள்ளது. இதனால் வறுமைக்குளான தம்பதி தினமும் யாசகம் பெற்று பசியை போக்கி வந்துள்ளனர்.

இந்நிலையில், அதே பகுதியில் உள்ள தனியார் மருத்துவமனைக்கு அடிக்கடி ஆம்புலன்சில் நோயாளிகளை ஏற்றி வந்த டிரைவர் சுரேந்திர யோகி என்பவர் நடைபாதையில் தங்கி வரும் அந்த பெண்ணை நீண்ட நாட்களாக நோட்டமிட்டு வந்துள்ளார். அந்த பெண்ணின் சூழ்நிலையை நன்றாக அறிந்துகொண்டவர் கடந்த திங்கட்கிழமை அன்று இரவு 11 மணி அளவில் அந்த பெண்ணை சந்தித்துள்ளார்.

அப்போது, ” உனக்கு சாப்பாடு வாங்கி தருகிறேன் என்னுடன் வா” என்று கூறி ஆம்புலன்சில் ஏற்றி சென்றுள்ளார். ஆம்புலன்ஸ் சிறிது தூரம் சென்ற பிறகு கனோட்டாவைச் சேர்ந்த அவரது நண்பர் மகேந்திர சிங் என்பவரை வரவழைத்து ஆம்புலன்சில் ஏற்றியுள்ளார். பிறகு ஆம்புலன்ஸ் ஆள் நடமாட்டம் இல்லாத பகுதிக்கு சென்றவுடன், இருவரும் சேர்ந்து அப்பாவி பெண்ணை மாறி மாறி பலாத்காரம் செய்துள்ளனர்.

‘யூஸ் பண்ணிட்டு தூக்கி எறிந்து விடுவார்’… நடிகர் விஷால் மீது காயத்ரி ரகுராம் பாலியல் குற்றசாட்டு

பின்னர் அவரை ஜலானா அருகே உள்ள நடைபாதையில் இறக்கிவிட்டு சென்றுள்ளனர். இந்த விவகாரம் குறித்து இரண்டு நாட்கள் கழித்து புதன் கிழமை அன்று மோதி டூங்ரி காவல் நிலையத்தில் வழக்கு பதிவு செய்யப்பட்டுள்ளது. பாதிக்கப்பட்ட பெண்ணிடம் தீவிர விசாரணை நடத்தப்பட்டதும், ஆம்புலன்ஸ் ஓட்டுநர் சுரேந்திர யோகி மற்றும் அவரது கூட்டாளி மகேந்திர சிங் ஆகியோர் கைது செய்யப்பட்டனர்.

பசிக்கு உணவு தருவதாக கூறி இளம்பெண்ணை ஓடும் ஆம்புலன்சில் வைத்து பலாத்காரம் செய்த காமுகர்களின் அரக்க குணம் அம்மாநிலத்தை பரபரப்பில் ஆழ்த்தியுள்ளது.