ஆச்சிரியப்பட வைக்கும் மின்சாரகார்கள்? போட்டி களத்தில் ஹீண்டாய் , பிஎம்டபுள்யூ,மாஹிந்திரா நிறுவணங்கள்?

ஹூண்டாய் வகுத்த பாதையில் பிஎம்டபுள்யூ- ஆச்சரியத்தில் ஆட்டோ உலகம்..!

இந்தியாவில் மின்சார வாகன பயன்பாட்டுக்கான கட்டமைப்பு உருவாக்கப்பட்டு வரும் நிலையில், பிஎம்டபுள்யூ நிறுவனமும் அதில் தன்னை இணைத்துக் கொண்டுள்ளது.

மின்சார வாகனத் தயாரிப்பில் கால்பதிக்கும் பிஎம்டபுள்யூ

சொகுசு கார் தயாரிப்பில் உலகின் முன்னோடி நிறுவனமாக திகழும் பிஎம்டபுள்யூ, இந்திய சாலைகளுக்கு ஏற்ற மின்சார காரை களமிறக்க திட்டங்களை வகுத்து வருகிறது.
இந்தியாவில் பெட்ரோல், டீசல் வாகனங்களுக்கு மாற்றாக மின்சார வாகன பயன்பாட்டை ஊக்குவிக்க மத்திய அரசு முயற்சிகளை மேற்கொண்டு வருகிறது. அதற்கு ஏற்றவாறு நிறுவனங்களும் புதிய மின்வாகனங்களை அவ்வப்போது விற்பனை கொண்டு வருகின்றன.

முன்னதாக விற்பனைக்கு அறிமுகமான மஹிந்திராவின் வெரிட்டோ, டாடா நிறுவனத்தின் டிகோர் கார்களுக்கு வரவேற்பு கிடைத்து வருகிறது. இக்கார்களை தனிநபர் பயன்பாட்டுக்கு கொண்டு வருவதை விட, வணிக ரீதியிலான பயன்பாட்டுக்கு உட்படுத்த நிறுவனங்கள் ஆர்வம் காட்டுகின்றன.

குறிப்பிட்ட மின்சார கார் மாடல்கள் விற்பனைக்கு இருந்தாலும், கடந்த ஜூலை மாதம் அறிமுகம் செய்யப்பட்ட கோனோ எஸ்யூவி கார் மின்சார வாகன பயன்பாட்டில் புதிய புரட்சியை ஏற்படுத்தியுள்ளது. இதை பல்வேறு வாகன தயாரிப்பு நிறுவனங்களும் உற்றுநோக்கி வருகின்றன.

நாட்டில் மின்சார வாகனங்களுக்கு கட்டமைப்பு பெரியளவில் வளரவில்லை. எலெக்ட்ரிக் ஸ்கூட்டர்களுக்கான விற்பனை கூட இன்னும் பெரியளவு வளரவில்லை. இருந்தபோதிலும் ஹூண்டாய் கோனா எஸ்யூவி மின்சார காருக்கு நாடு முழுவதும் முன்பதிவுகள் குவிந்து வருகின்றன.

இங்கிலாந்தின் பாரம்பரிய வாகன தயாரிப்பு நிறுவனம் எம்.ஜி. மோட்டார்ஸ். இந்தியாவிற்குள் அண்மையில் கால் பதித்த இந்நிறுவனம், கடந்த மே மாதம் ஹெக்டர் எஸ்யூவி காரை விற்பனைக்கு கொண்டு வந்தது. பெட்ரோல் தேர்வுகளில் மட்டும் விற்பனைக்கு கிடைக்கும் இந்த காரில் ஹைப்ரிட் ஆப்ஷனும் இருப்பது குறிப்பிடத்தக்கது.

எனினும், இந்திய சந்தைக்குள் நுழைந்த சில மாதங்களிலேயே இ-இசட்.எஸ் என்ற பெயரில் முழுமையாக மின்சார ஆற்றலில் இயங்கும் காரை அறிமுகம் செய்யவுள்ளது எம்.ஜி. மோட்டார்ஸ். ஜனவரியில் இந்த காரில் அறிமுகம் இருக்கலாம் என தகவல்கள் கூறுகின்றன.

இந்த வரிசையில், உலகின் ஆடம்பர கார் உற்பத்தியில் முன்னோடி நிறுவனமாக திகழும் பிஎம்டபுள்யூ நிறுவனமும் இணைந்துள்ளது. ஜெர்மனியைச் சேர்ந்த இந்நிறுவனம் விரைவில் இந்தியாவுக்கு ஏற்ற மின்சார காரை அறிமுகம் செய்வதற்கான ஆய்வுகளை மேற்கொண்டுள்ளது.

எனினும், பிஎம்டபுள்யூவுக்கு கீழ் செயல்பட்டு வரும் மினி கார் தயாரிப்பு நிறுவனம் விரைவில் தனது எலெக்ட்ரிக் கார் மாடல் அறிமுகம் செய்யவுள்ளது. அதை தொடர்ந்தே, பிஎம்டபுள்யூ-வின் மின்சார கார் விற்பனைக்கு வரும் என தகவல்கள் தெரிவிக்கின்றன.

இதுதொடர்பாக பேசிய மினி கார் தயாரிப்பு நிறுவனத்தின் ஆசிய பசிபிக் பிராந்திய பிரிவுத் தலைவர் ஃபிராங்கோசிஸ் ரோகா, மின்சார வாகனங்களுக்கு ஏற்ற சந்தை எங்கு இருந்தாலும், அங்கு நிச்சயம் பிஎம்டபுள்யூ கால்பதிக்க திட்டமிடும். சென்னையில் எங்களுக்கு தனியாக ஆலை இருப்பதால், இந்தியாவில் மின்சார காரை அறிமுகம் செய்வதற்கு திட்டங்களை வகுத்து வருகிறோம். மின்சார கார்களுக்கான கட்டமைப்பு வலுபட வேண்டும் என்றால், அவற்றுக்கான சார்ஜிங் நிலையங்களையும் கட்டமைப்பு செய்ய வேண்டும். இதுவே மின்சார கார்கள் உற்பத்தி நீண்ட நாள் நீடித்திருக்கும் வாய்ப்பை வழங்கும் என்று அவர் கூறினார்.

கடந்த ஜூலை மாதம் மினி கார் தயாரிப்பு நிறுவனம் ’மினி கூப்பர் எஸ்.இ’ என்கிற பெயரில் மின்சார கார் மாடலை அறிமுகம் செய்தது. தற்போது இந்த காரை இந்தியாவில் விற்பனைக்கு கொண்டு வருவதற்கான சாத்தியக்கூறுகளை அந்நிறுவனம் ஆராய்ந்து வருகிறது.

மினி கூப்பர் எஸ்.இ காரில் 32.6 kWh பேட்டரி உள்ளது. இதை முழுமையாக சார்ஜ் செய்தால், இந்த கார் அதிகப்பட்சமாக 235 கிமீ முதல் 270 கிமீ
தொலைவு வரை பயணிக்கும். ஃபார்ஸ் சார்ஜர் மூலமாக இந்த பேட்டரியை 35 நிமிடங்களில் 80 சதவீதம் வரை சார்ஜ் செய்ய முடியும். இதை முழுமையாக சார்ஜ் செய்ய அதிகப்பட்சமாக 3.5 மணிநேரம் வரை ஆகும்.

இந்த பேட்டரி மற்றும் காரிலிருக்கும் மின்மோட்டார் மூலம் 184 பிஎச்பி பவர் மற்றும் 270 என்எம் டார்க் திறன் பவர் கிடைக்கும். மணிக்கு 150 கி.மீ வேகத்தில் செல்லும் அளவுக்கு திறன் பெற்ற இந்த கார் துவக்க நிலையில் இருந்து 100 கி.மீ வேகத்தை 7.3 விநாடிகளில் எட்டிப்பிடித்து விடும்.

ஜனவரி முதல் வாரத்தில் இந்த கார் விற்பனைக்கு அறிமுகமாகும் என்று எதிர்பார்க்கப்படுகிறது. இதற்கிடையில் பிஎம்டபுள்யூ நிறுவனம் மின்சார வாகன உற்பத்தியில் களமிறங்குவதற்காக ஆயத்தமாகியுள்ளது, இந்திய வாகனச் சந்தைக்கு புதிய உற்சாகத்தை அளித்துள்ளது.