சூப்பர் ஸ்டார் ரஜினியின் திரையுலக வாழ்வின் 171வது படத்தில் வில்லத்தனமான ரஜினி! – லோகேஷ் கனகராஜ்
விஜய் நடித்த லியோ படத்தை இயக்கிய லோகேஷ் கனகராஜ் அடுத்து ரஜினி நடிக்கும் 171வது படத்தை இயக்கப் போகிறார். ஞானவேல் இயக்கி வரும் தனது 170 வது படத்தில் தற்போது நடித்து வரும் ரஜினி அப்படத்தை முடித்ததும் லோகேஷ் கனகராஜ் கூட்டணியில் இணைகிறார். அனிருத் இசையமைக்கும் இந்த படத்திற்கு அன்பறிவ் சண்டை பயிற்சி கொடுக்கிறார்கள்.
இந்த நிலையில் லோகேஷ் கனகராஜ் அளித்துள்ள ஒரு பேட்டியில், ரஜினி இடத்தில் எனக்கு பிடித்ததே அவர் வில்லத்தனமாக நடித்த படங்கள்தான். அதுபோன்ற கதாபாத்திரங்களில் மாறுபட்ட பர்பாமென்ஸை வெளிப்படுத்துவார். அந்த ரஜினியை நான் ரொம்பவே ரசித்து உள்ளேன். அதனால் ரஜினி 171வது படத்திலும் வில்லத்தனமான ரஜினியை முடிந்தவரை வெளிப்படுத்துவேன். இதுவரை ரசிகர்கள் பார்க்காத ஒரு வித்தியாசமான ரஜினியை அதில் கொண்டு வர நான் முயற்சி செய்வேன் என்று கூறியிருக்கிறார் லோகேஷ் கனகராஜ்.
