இந்திய பணக்காரர்கள் பட்டியலில் முதலிடமும், உலகின் டாப் 10 பணக்காரர்கள் பட்டியலில் 10-வது இடத்தையும் பிடித்த முகேஷ் அம்பானி✍️டாப் 20 உலக பணக்காரர்கள் பட்டியலில் இருந்து வெளியேற்றப்பட்ட அதானி✍️முழுவிவரம்✍️விண்மீன்நியூஸ்
உலகின் டாப் 20 பணக்காரர்கள் பட்டியலில் இருந்து வெளியேறினார், அதானி. 119 பில்லியன் அமெரிக்க டாலர்களோடு உலகின் பணக்காரர்கள் பட்டியலில் 4-வது இடத்தில் இருந்த அதானியின் சொத்து மதிப்பு, சில தினங்களுக்கு முன்பு சரிந்து 84.4 பில்லியன் அமெரிக்க டாலராகி பட்டியலில் 11 -வது இடத்தைப் பிடித்திருந்தார். அதனை தொடர்ந்து உலகின் டாப் 10 பணக்காரர்கள் பட்டியலில் இருந்து பின்னுக்குத் தள்ளப்பட்டார் அதானி.
அதன்பின் அதானியின் சொத்து மதிப்பு மீண்டும் குறைந்து 67.4 பில்லியன் அமெரிக்க டாலர்களானது. உலகின் பணக்காரர்கள் பட்டியலில் 16 -வது இடத்தைப் பிடித்தார்.
தற்போது ப்ளூம்பெர்க் வெளியிட்டுள்ள உலகின் பணக்காரர்கள் பட்டியலில், அதானி 59 பில்லியன் அமெரிக்க டாலர் சொத்து மதிப்புகளோடு 21-வது இடத்தை பிடித்துள்ளார்.
அமெரிக்க ஊடக நிறுவனமான ஃபோர்ப்ஸ் சமீபத்தில் வெளியிட்டுள்ள `2023 ரியல் டைம் பில்லியனர்கள்’ பட்டியலில், 82.9 பில்லியன் அமெரிக்க டாலர் சொத்து மதிப்புகளோடு உலகின் டாப் 10 பணக்காரர்கள் பட்டியலில் 10-வது இடத்தை பிடித்துள்ளார் அம்பானி. இவரின் சொத்து மதிப்பு 0.19 சதவிகிதம் அதிகரித்துள்ளது குறிப்பிடத்தக்கது.அதானியின் சரிவைத் தொடர்ந்து அம்பானி இந்திய பணக்காரர்கள் பட்டியலில் முதலிடம் பிடித்துள்ளார்.
