ஆயுர்வேதம் ஏன் கசப்பு உணவுகளை சாப்பிட சொல்கிறது?முழுவிவரம் – விண்மீன்நியூஸ்

? ஆயுர்வேதம் ஏன் கசப்பு உணவுகளை சாப்பிட சொல்கிறது?

பாகற்காய், வெந்தயம் போன்ற கசப்பான உணவுகளை நாம் எடுத்துக் கொண்டு வந்தால் நம் ஆரோக்கியம் மேம்படும். எனவே எந்த மாதிரியான கசப்பான உணவுகளை நாம் எடுத்துக் கொள்ளலாம் என அறிவோம்.

உணவுகளில் ஆறு சுவைகள் நிரம்பி உள்ளன. இருப்பினும் இனிப்பை விரும்பும் அளவிற்கு நாம் கசப்பான உணவை விரும்புவதில்லை. ஆனால் உண்மையில் சொல்லப்போனால் கசப்பான உணவில் தான் ஏராளமான ஊட்டச்சத்துக்கள் நிரம்பி வழிகின்றன என்கிறார்கள் ஊட்டச்சத்து நிபுணர்கள். கசப்பான உணவுகள் நம் உடலை சுத்தப்படுத்தும் சுத்தப்படுத்திகள் மட்டுமில்லாது நம் வளர்ச்சிதை மாற்றத்தை அதிகரிக்க உதவுகிறது. அதனால் தான் என்னவோ பெரும்பாலான மூலிகைகள் கசப்பான சுவையை கொண்டு உள்ளது.
​ஆயுர்வேதம்

இந்தியாவில் ஆயுர்வேதத்தில் பல பிணிகளை விரட்ட கசப்பான மூலிகைகளே பயன்படுத்தப்படுகிறது. இது பித்தம், கபம் மற்றும் தோஷங்களை நிர்வகிக்கிறது. மிளகாய், கடுகு மற்றும் பாகற்காய் போன்றவை கசப்புச் சுவை கொண்ட உணவுப் பொருட்கள். ஏன் சுரைக்காய் அல்லது ஏராளமான பிணிகளை விரட்டும் வேப்பிலைக் கூட கசப்புத் தன்மை வாய்ந்தது தான். எனவே இன்றளவும் இந்தியாவின் பல பகுதிகளில் உள்ள மக்கள் இந்த கசப்பான உணவுகளை எடுத்துக் கொண்டு வருகிறார்கள்.

அந்த வகையில் பார்க்கும் போது கசப்பான உணவுகளை நம் உணவில் சேர்ப்பதால் எந்த மாதிரியான நன்மைகள் கிடைக்கிறது எனப் பார்க்கலாம்.

​பாகற்காய்

கசப்பான உணவு என்று பார்க்கும் போது பாகற்காய் ஞாபகம் வருகிறது. இது இந்தியாவில் அதிகமாக சமையலில் பயன்படுத்தப்படுகிறது. இது வெள்ளரி குடும்பத்தைச் சார்ந்தது. கோடை காலங்களில் கிடைக்கக் கூடிய காயாகும். இந்த பாகற்காயை பொடி பொடியாக நறுக்கி தேங்காய் துருவல் சேர்த்து வதக்கி சைடிஸாக சாப்பிடலாம். உத்திரப்பிரதேசம் போன்ற மாநில மக்களுக்கு இது விருப்பமான காயாக உள்ளது.

பாகற்காயின் தோலை நீக்கி அதன் மேல் உப்பை தடவும் போது அதன் கசப்புத் தன்மை குறைகிறது. இது முகலாய கலாச்சார சமையலில் பயன்படுத்தப்பட்டு வந்துள்ளது. நீங்கள் இதை பாகற்காய் புளிக்குழம்பு செய்து சாப்பிடலாம். இதனுடன் புளி அல்லது மாங்காய் மற்றும் மசாலாப் பொருட்கள், வெங்காயம் சேர்த்து சமைக்கும் போது இதன் கசப்புத் தன்மை குறைந்து சுவையானதாக இருக்கும்.

​ஊட்டச்சத்துக்கள்

இது கலோரிகளில் குறைவாகவும், எடை இழப்புக்கு நல்லது. இதில் ஆன்டி ஆக்ஸிடன்ட்கள், நார்ச்சத்துக்கள் மற்றும் சி மற்றும் ஏ போன்ற வைட்டமின்கள் உள்ளன. வயதாகுவதை தடுப்பதில் இருந்து புற்றுநோயை விரட்டும் வரை பயன்படுகிறது. நீரிழிவு எதிர்ப்பு பண்புகள் இதில் இருப்பதால் நீரிழிவு நோயாளிகள் இதை எடுத்துக் கொள்ளலாம். இரத்த சர்க்கரை அளவைக் கட்டுப்படுத்தவும் இன்சுலினுக்கு மாற்றாகவும் செயல்படுகிறது.

​கசப்பான உணவுகள்

சாக்லேட் போன்ற பிற கசப்பான உணவுகள், தொட்டால் எரிச்சலூட்டுகிற ஒருவகை செடி, மஞ்சள் கீரைகள் அனைத்தும் நமது வளர்சிதை மாற்றத்தை அதிகரிக்கும், வயதாகுவதை தடுக்கும், தொற்றுநோய்களை எதிர்த்துப் போராடும் மற்றும் மனநிலையையும் மேம்படுத்தும் என மருத்துவர்கள் கூறுகின்றனர். தொட்டால் அரிப்பு ஏற்படுத்துகின்ற நெட்டில் செடி சூப் போன்றவை கசப்பானவை என்றாலும் ஆரோக்கியமானவை.

​வெந்தயம்

வெந்தயமும் இந்திய சமையலில் பயன்படுத்தப்படும் முக்கியமான பொருளாகும். இதுவும் கசப்புத்தன்மை வாய்ந்தது. குளிர் காலங்களில் வட இந்தியாவில் வெந்தய கீரைகளை மக்கள் விரும்பி பயன்படுத்துகின்றனர். கொழுப்பை குறைப்பதில் இருந்து செரிமானத்திற்கு உதவுகிறது.

வெந்தய விதைகள் ரெசபி க்கு இதற்கு ஒரு உதாரணமாக டெல்லி உருளைக்கிழங்கு கறியை கூறலாம். இதன் புளிப்பு சுவையும் வெந்தய விதைகளின் கசப்பு சுவையும் இந்த ரெசிபியை மிகவும் டேஸ்ட் கொண்டதாக மாற்றுகிறது . இது இந்தியாவின் மற்ற பகுதிகளில் உள்ள டிஷ்யிலிருந்து வேறுபட்டு இருக்கிறது.

​ஏன் கசப்பு உணவுகள்?

கசப்பான உணவுகளான கோக்கோ, பச்சை மூலிகைகள் மற்றும் கசப்பான பாகற்காய் போன்றவற்றில் சல்பர், கொழுப்பில் கரையைக் கூடிய விட்டமின் ஏ, டி, ஈ மற்றும் கே போன்ற ஊட்டச்சத்துக்கள் உள்ளன. இது நம் கல்லீரல் ஆரோக்கியத்திற்கு உதவுகிறது. பித்த நீரை சுரக்க உதவுகிறது. உணவு நன்றாக சீரணிக்க உதவுகிறது.

எனவே இவ்வளவு நன்மைகள் தரும் கசப்பான உணவுகளை இனி மேலாவது நம் அன்றாட உணவில் சேர்த்துக் கொள்வோம். நோய்களை நம்மிடம் இருந்து விரட்டுவோம்.