உலகெங்கும் வாழும் எம்பெருமான் முருக பக்தர்கள் அனைவருக்கும் தஞ்சை கவிஞர் செல்வாவின் கவிதைகள்?முழுவிவரம் -விண்மீன்நியூஸ்

உலகெங்கும் வாழும் எம்பெருமானின் பக்தர்கள் அனைவரும் புலர்ந்த இனிய செவ்வாய்க்கிழமை இந்நாளில் எம்பெருமானின் அருளால் கொடிய கொரோனா நோயில் இருந்து மீண்டு தேக நலத்துடன் பல்லாண்டுகள் வாழ என் அன்பு வாழ்த்துகள் மற்றும் இனிதான வணக்கங்கள்…

தென்னகம் போற்றிடும் உன்னால்
தேன் தமிழ் மனதில் ஊறிடும்
விண்ணகம் புகழ்ந்திடும் எந்நாளும்
வேலவன் அருள் காத்திடும்
அன்னம் போல தமிழசைவும்
ஆற்றுப் படையில் உன் இசைவும்
எண்ணம் பல தோன்றிடும்
என்றும் உன் புகழ் ஊன்றிடும்
கண்ணன் வீட்டு மருமகனே
காற்றில் தவழ்ந்திடும் பேரெழில் குகனே
வண்ணம் கொண்ட வெற்றிவேலே
வாழும் கலியுக வரதனே
மண்ணை செழிக்க வைக்க
மருத மலையாய் வீற்றிருந்து
எண்ணும் எழுத்தாகி வந்தவனே
என்றென்றும் தமிழை எனக்குத் தந்தவனே

எம்பெருமானின் புகழுடன்,
தஞ்சை கவிஞர் செல்வா