கள்ளக்காதல் தகாத உறவுக்கு இடைஞ்சல்… சம்பவத்தன்று தொந்தரவு… 3 வயது மகனை அடித்தேக் கொன்ற தாய்✍️முழுவிவரம் -விண்மீன் நியூஸ்

தகாத உறவுக்கு இடைஞ்சல்… சம்பவத்தன்று மேலும் தொந்தரவு… 3 வயது மகனை அடித்தேக் கொன்ற தாய்..!

தெலுங்கானா மாநிலம் ஹைதராப்தியில் உள்ள ஜீடிமெட்லாவைச் சேர்ந்த பெண் உதயா. இவரது கணவர் இறந்துவிட்ட நிலையில் தனது 3 வயது மகனுடன் உதயா தனியாக வசித்து வருகிறார். இந்நிலையில், நேற்றைய தினம் சிறுவன் படுகாயம் அடைந்த நிலையில் சூரராமில் உள்ள ஒரு தனியார் மருத்துவமனையில் சேர்த்தனர்.

ஆனால், சிறுவன் ஏற்கனவே இறந்துவிட்டதாக மருத்துவர்கள் கூறியுள்ளனர் . மேலும், சிறுவன் உடலில் காயங்கள் இருந்ததாக ஹைதராபாத் போலீசுக்கு தகவல் கொடுக்கப்பட்டது. அதனை தொடர்ந்து சிறுவனுக்கு நேர்ந்ததை குறித்து உதயாவிடம் போலீசார் விசாரணை மேற்கொண்டனர். அப்போது, சிறுவன் சாப்பிட அடம் பிடித்ததால் நானும், எனது நண்பரும் சேர்ந்து அடித்ததாகவும், அப்போது சிறுவன் மயங்கியதாகவும் கூறினார்.

இதனால், போலீசாருக்கு சந்தேகம் ஏற்படவே கிடுக்குபிடி விசாரணை நடத்தினர். அப்போதுதான் உண்மை பின்னணி வெளிச்சத்துக்கு வந்தது. அதாவது, உதயாவின் கணவர் இறந்துவிடவே மகனுடன் தனியாக வசித்து வந்துள்ளார் உதயா. இந்நிலையில், உதயாவுக்கு வேறொருவருடன் திருமண உறவை மீறிய காதல் ஏற்பட்டுள்ளது.

‘எங்கள் வீட்டில் மாடு மேய்த்தவரையெல்லாம் பிரெசிடெண்டாக ஏற்க முடியாது’ – அலுவலகத்தை பூட்டிய சாதி வெறி

இந்நிலையில், இருவரும் அடிக்கடி நெருக்கமாக இருந்து வந்துள்ளனர். உதயாவின் வீட்டுக்கு வரும் அவரது காதலனுக்கு சிறுவன் தடையாக இருந்ததால் அடிக்கடி அவனை மிரட்டி வந்துள்ளனர். இந்த நிலையில், சம்பவம் அன்று உதயா தனது காதலனை வீட்டுக்கு அழைத்துள்ளார். அப்போது சிறுவனை இரண்டு பேரும் சேர்ந்து இரும்பு கேபிளால் கொடூரமாக அடித்து தாக்கியுள்ளனர். சிறுவன் அப்போதே மயங்கி விழுந்து இறந்தது விசாரணையில் தெரிய வந்தது.

இதையடுத்து, உதயாவையும் அவரது காதலனையும் கைது செய்த போலீசார் தீவிர விசாரணை மேற்கொண்டு வருகின்றனர். தகாத உறவுக்கு இடைஞ்சலாக இருந்ததால் பெற்ற மகனையே தாய் அடித்து கொன்ற சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.